La Sección en ladino de cada semana del periódico Shalom de Estambul siempre con artículos interesantes… – Shalom / pajina en djudeo-espanyol.
Esta semana podesh meldar los sigientes artikolos
- Unas kuantas refleksyones de Martin Buber: Referandome a mis artikolos del doz i del mueve Marso sovre Martin Buber, vos do debasho estas linyas, unas kuantas de sus refleksyones tomadas de su Ovra la mas importante intitulada “Yo i tu” (Je et Tu), i tambyen de sus kuentos: “Empesar por si mizmo, ma no terminar por si”… “Konsiderarse komo punto de partensya, ma no komo objetivo”….”Konoserse si mizmo, ma no enfoharse en si”… ver mas >
- Judios en Azerbaijan nunka sufrieron del antisemitizmo: A partir del anyo 1960, en la komunidad judía de Azerbaijan empeso un renasimiento kultural. Los judios empesaron a kitar gazetas judias, avrieron munchas organizasiones kulturales i se empeso a dar kursos de ebreo en Baku. Despues de la kaida de la Union Sovietika, se avrio una Yeshiva en Baku en el anyo 1994, una eskola de Habbad fue establesada en en el anyo 1999… ver mas >
- El eroe de mi chikez ALBERT KAZEZ: Amandomoz karinyozamente, komo un padre, mi tiyo, Albert Kazez, muestra juventud lo arrelumbro. Laterna de la famiya, la alegria muestra kuando torno de la Universita de Michigan, mos motivo. Bivimos djuntos en los pransos de fiestas grasias a la kaza de enverano, gozimos de su modernizmo. Entuziazmado de las novedades de la teknolojia, profitimos de su saver sientifiko… ver mas >
- Primeros pasos de la primavera: Estamos biviendo los diyas final del invyerno. Oy, afuera ay un tyempo maraviyozo, ralo en el 8 del Marso. Ma, esto no es muestro sujeto de oy. No me akodro aver remarkado asta oy, (o muy probavle) ke los arvoles se espertan tan demprano de sus esfuenyo de invyerno. Ma esto es lo ke vide kuando avri la ventana. Los ramos ya ampesaron a enfloreser . No abasta esto, un papiyon bolando de aki, de aya, vino se pozo al bodre de mi ventana… ver mas >