LESIONES DE KASAMIENTO VINIENDO DEL MEDIO SHEKEL. trezladado al ladino por Simon Geron

Keridos amigos i amigas

En el Jewish News de esta semana avia el artikulo del Rabino»Yonason Johnson»tratando del kasamiento i del Medio Shekel. Esto es lo ke dise…

Saludes a todos

LESIONES DE KASAMIENTO VINIENDO DEL MEDIO SHEKEL

En los pies del Monte Sinaii, en la Huppa de Kasamiento Kosmiko entre HASHEM i el Puevlo Judio, la novia izo lo ke era inimajinable. Al oirlo esto HASHEM deklaro «So Vuestro Dio. No avran otros Dios delantre de mi». Los BNEI ISRAEL venian de azer una vaka de oro, adorandola ke era un adultero espiritual. Puedia aver una traision mas grande ke esta? Ke se iva azer para arepentirsen? I para restorar las relasiones? HASHEM disho a BNEI ISRAEL ke para arepentirsen tenian ke dar «KOFER NEFESH/Un sakrifisio» komo la redempsion de la alma. Asi eyos tenian ke pagar por sus pekados.
medio_shekelEl MIDRASH konta ke en este momento estavan desesperados. Se demandaron «Porke perdimos el tiempo arekojiendo bienes en Ejipto i en la mar si tenemos ke dar todo atras? «El pekado era tan grande ke no se puedia salir de esto en liviano. HASHEM savia lo ke el Puevlo pensava i le disho a MOSHE de desirles ke no tengan espanto» Yo no demando 1000,tampoko 100 o 50 piezas de plata. Tampoko demando Un Shekel. Lo ke demando es Medio Shekel». MOSHE todo sorprendido le demando «Komo es possible arrepentirse kon un Medio Shekel?» El MISHKAN para ke sea konstruido nesesitava tener 1000 Piezas de Plata.» En realidad el Medio Shekel no entrava en el kontexto de valor monetaria. Asi HASHEM le disho a MOSHE ke un Medio Shekel tenia mas valor ke 1000 Piezas de Plata.
Se dio el orden sin eksepsion ke el Medio Shekel iva ser la karga. El riko no puedia dar mas ni el prove dar menos. Porke un Medio Shekel? En jeneral los regalos ke se azen a HASHEM son kompletos i perfektos. Komo el KORBAN. La Tora dise ke el pezgo de Un Shekel es 20 Gerah. Si se da la mitad de esto ke relevensia puede tener el kompleto? En lugar de esto la Tora tenia ke desir ke Un Medio Shekel tenia el pezgo de 10 Gerah? Aki la Tora ensenia a BNEI ISRAEL ke se deve saver ke ay el Shekel Kompleto i ke eyos van a dar el medio.
ARI’ZAL explika ke kada alma es konstruida del elemento maskulino i femenino. La alma se divide en 2 i la parte maskulina se va al ombre i la parte femenina se va a la mujer. Los 2 kresen komo individuos a vezes en partes differentes del mundo.HASHEM los mete enjuntos basho la Huppa para ke sean Uno.En sus vidas de solteros kada uno se veia komo kompleto en biviendo por si. Basho la Huppa uno deve dar atras su sentido de ser kompleto i ser medio de nuevo.Un medio ke kompleta el otro medio.Asi se yega a un nivel mas profundo komo kompleto. Kuando uno de los 2 aze mal al otro es porke se torna a la moda del kompleto en si. El kasamiento entre HASHEM i el Puevlo Judio es lo mismo.Para ser unido kon HASHEM ay ke deshar el EGO ke es el sentimiento de independensia i ser inkompleto sin la relasion kon EL.Es esto ke tiene komo poder el Medio Shekel.
Un regalo de miles de Dolares puede dezir»Lo siento o Te Amo» Ma esto no es mas ke partir de su moneda. El Medio Shekel es ser devuado al otro.Despues del pekado kometido kon la vaka de oro HASHEM demando un Medio Shekel i kito uno de su trono en disiendo»So inkompleto sin ti. Tu me kompletas.»Asi el Medio Shekel es ser devuado al otro.»Vo a kompletar lo ke me manka para ke sea kompleto «Tengo menester de vosotros porke mi deseo el mas profundo no sera realizado» Enjuntos kreamos el SHEKEL HAKODESH»

——————————————
Trezladado  por Shimon Geron. Sydney

Fuente: Ladinokomunita

Check Also

enkontros de alhad 15 flyer03 bryan rachel i hannah

ENKONTROS DE ALHAD – 31 MARSO 2024 :: UNA MUEVA ORGANIZACION EN LOS ESTADOS UNIDOS, LA LIGA AMERIKANA DEL LADINO – Balabay Dr. BRYAN KISCHEN – Musafiras RACHEL AMADO BORTNICK i Dra. HANNAH PRESSMAN – A las 13 oras (Arjentina) x Zoom – Mas orarios en el anunsio

Donativo para ayudar a Enkontros de Alhad ENKONTROS DE ALHAD Avlados en Djudeo-espanyol – Ladino …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.